கவிதை: ஆம், அவன் தான்

ஆம், அவன் தான்.

அவனா நீ என்ற கேள்விக்கு
ஆம் அவன் தான் என பதிலுரைத்தப் போதும்
அவனை அவனாக வாழ விட விரும்பவில்லை
அவனின் இரத்த உறவுகள்….

திருமணம் செய்து கொள் என கட்டாயப் படுத்துகின்றனர்,
அவனும் அதைத் தான் விரும்புகிறான்.

அவர்கள் அவனுக்கான இல்லாத அவளைத் தேடுகின்றனர்.
அவன் அவனுக்கான இருக்கும் அவனைத் தேடுகிறான்…

அவர்களின் தேடலுக்கும் அவனின் தேடலுக்கும் இடையில் அவன் மட்டும் சில முறைகள் மரணத்தை அடையும் போட்டியில் தோற்றிருந்தான் அல்லது தோற்கடிக்கப் பட்டிருந்தான்…

இந்த கவிதையை ஓரினாம் ஏற்பாடு செய்த ஜூன் 2019 ‘குயில்ட்’ நிகழ்ச்சியில் பிரான்சிஸ் வாசித்தார்