டாக்டர். சிராஸ்

பேராசிரியர் சிராஸ் – நினைவாஞ்சலி

தனக்கென்று ஒரு வாழ்க்கை
தனக்கென்று ஒரு வேலை
தனக்கென்று ஒரு காதல்
தனக்கென்று ஒரு தாபம்
என்று
சலனமும் சச்சரவும் இல்லாமல்
வாழ்ந்த நீங்கள்
தனக்கென்று ஒரு அமைதியையும்
தேடிக் கொண்டீர்களா?

அல்லது சண்டாளர்கள்
பழித்துப் பேசி நகைத்து உணர்வை கொச்சைப்படுத்தி
வார்த்தைகளால் காயப்படுத்தி மிரட்டி அவமானப்படுத்தி
நிராகரித்து மனச் சித்திரவதை செய்து இதுவே நரகம் என்று
பயமுறுத்தி உங்கள் ரத்த ஓட்டத்தை
நிற்கச் செய்தார்களா?

சமுதாய சீர்திருத்தவாதிகளும் நீதியும்
ஆயிரமாயிரம் சகோதரர்களும் சகோதரிகளும்
ஆதரவளித்து உரக்கக் குரல் கொடுத்தது
காதுகளுக்கு எட்டியும் உங்கள்
இதயத்தில் உரம் போடவில்லையா?

இதுவல்ல நியாயம்.

உங்கள் கடைசி மூச்சு
காற்றோடு கலந்து
எங்கள் சுவாத்தில் இருக்கும்.

நீங்கள் விட்டுச் சென்ற போராட்டத்தை
நாங்கள் வென்று காட்டுவோம்!

– மதுரை முகேஷ் ( Mukesh Madurai D)