வெளியே வருதல்
மாறுபட்ட பாலீர்ப்பு மற்றும் பால் அடையாளம் உள்ளவர்கள் அதை அறிந்து, ஏற்றுக்கொள்வதையும் பின்பு தங்கள் குடும்பத்தாருக்கும் மற்றும் நண்பர்கள் உறவினர்களுக்கும் அதை தெரிவிப்பதையும் தான் வெளியே வருதல் என்று அழைக்கிறோம். மாறுபட்ட பாலீர்ப்பு மற்றும் பால் அடையாளம் கொண்ட முக்கால்வாசி பேர், எப்பொழுது மற்றவர்களுக்கு தங்களை பற்றி தெரிந்துவிடுமோ என்று பயந்து, பயந்து வாழ்வதை விட்டு, உண்மையாக தாங்களாகவே வாழ்வதற்காக இப்படி வெளியே வருகிறார்கள்.
இந்திய மற்றும் ஆசிய சமுதாயத்தில் இருக்கும் பால் சம்மந்தப்பட்ட எதிர்பார்ப்புகளும், ஆண்-பெண் திருமணத்திருக்கு தரப்படும் அளவற்ற முக்கியத்துவமும், குழந்தைப் பேறு பெற்று பரம்பரையை வாழையடி வாழையாக வளர்க்க வேண்டும் என்ற நிர்பந்தமும், இது போன்று மாறுபட்ட மாறுபட்ட பாலீர்ப்பு மற்றும் பால் அடையாளம் உள்ளவர்களின் மேல் ஒரு பெரிய அழுத்தத்தை ஏற்படுத்தி அவர்களின் வெளியே வருதலை மிகவும் கடினப்படுத்துகிறது. இதுபோன்ற பிரச்சனைகள் மற்ற சமூகங்களில் இருந்தாலும், நம் சமூகத்தினர் இந்த பிரச்சனைகளை எப்படி அணுகுகிறார்கள் என்று தெரிந்துகொள்வது நமக்கும், நம் குடும்பத்தினருக்கும் மிகவும் பயனுள்ளதாக இருக்கும்.
உங்களுக்காக சில “வெளியே வரும் கதைகள்” பக்கத்தில்.
வெளியே வருதல் பற்றிய சில குறிப்புகள்:
- நீங்கள் வெளியே வருவதற்கு தயாரா என்று நன்கு யோசியுங்கள்.
- உங்கள் குடும்பத்தினர் உங்கள் வெளியே வருவதலை சந்திக்க தயார என்று சோதித்து பாருங்கள். (நண்பர்களை பற்றி பேசுவது, ஜாடை மாடையாக இந்த விஷயத்தை கொண்டுவருவது)
- உங்களுக்கு, உங்கள் குடும்பத்தினருக்கு தேவையான வளங்களை தயாராக வைத்துக் கொள்ளுங்கள்.
- திட்டம் வகுத்து, நன்கு யோசித்து, உங்கள் வெளியே வருதலை உங்களுக்குளே ஒத்திகை பார்த்து கொள்ளுங்கள்.
- நீங்கள் எதிர்பார்த்த விதமாக உங்கள் வெளியே வருதல் போகவில்லை என்றால், என்ன செய்வது என்று யோசித்து, அதற்காக உங்களை தயார் படுத்திக் கொள்ளுங்கள்.
- அப்படி போகவில்லை என்றால், உங்களை அதற்காக குற்றம் சொல்லிக் கொள்ளவேண்டாம். அது உங்கள் பிழையல்ல.
- வெளியே வருதல் ஒரு நாளோடு முடிந்து போகும் ஒரு விஷயமல்ல, பொறுமை அவசியம். நினைவிருக்கட்டும்.
வளங்கள்:
- எம்.பீ. அங்கத்தினர்களின் வெளியே வரும் கதைகள்.
- த்ரிகொனின் 1997ஆம் ஆண்டு வெளியே வருதல் செய்திமலர்.
- சிங்கபூரை சேர்ந்த மாறுபட்ட பாலுணர்வு கொண்ட பெண்களின் சங்கமான சயோனி தனது ‘இண்டிக்நேஷன்’ பெருமை நிகழ்ச்சிகளின் ஒரு பகுதியாக வெளிவருதலை பற்றி ஒரு செய்திமலரை வெளியிட்டது. அதன் பி.டி.எப். நகலை இங்கே காணலாம் .
(c) ஓரினம். எங்கள் காப்புரிமை கொள்கையை படிக்கவும்